OK LANG TUMULONG, KASUMPA-SUMPA ANG MAGYABANG!

Liwanagin lang natin ng husto: Hindi masama ang tumulong ang gobyerno sa mga nangangailangang bansa kung makakatulong talaga an gating bayan.

Pero KASUMPA-SUMPA kung ang gagawing pagtulong ay KAYABANGAN at pagpapapogi lamang, lalo pa’t milyun-milyon  sa mga kababayan natin ang PATULOY NA NAGHIHIRAP at mas dapat bigyan ng mas malaking tulong.

Magpapautang ang Pilipinas sa International Monetary Fund (IMF) ng $1 bilyon o mahigit P42 bilyon para matulungan ang ekonomiya ng ilang bansa sa Europa tulad ng Greece at Ireland.

Kabilang sa mga katwiran ng Pnoy administration ay may mga  kababayan tayong nagtatrabaho  sa mga bansa sa Europa na kailamngan ng tulong. Tutal naman daw,  bayad na tayo sa IMF.  

Ngayon, isipin ninyo ito, mga kababayan:

Gobyerno mismo ni Pnoy ang nagsabi na ang utang ng Pilipinas, domestic at foreign, ay umabot na sa P5 TRILYON, o humigit-kumulang sa $120 BILYON. 

Kahit na wala na tayong utang sa IMF, may utang pa rin tayo sa iba’t-ibang bansa o mga financial institutions doon tulad ng japan at Amerika. At lahat ng mga  utang na ito ay MAY INTERES.

Interes na BUWIS NATIN ang PANGUNAHING IPINAMBABAYAD o pinanggagalingan ng pambayad.

Pero sa halip na doon magbuhos ng malaking halaga si Pnoy para mabawasan ang interes kahit kaunti, IBANG TAO MUNA ang bibigyan ng mas malaking ayuda ng gobyerno kesa bansa natin.

Mas mayayamang bansa kesa sa atin ang Malaysia at Thailand. Pero kahit sila ay $1 bilyon lamang ang ipapahiram sa IMF.

Kung hindi NAGYAYABANG si Pnoy, bakit kailangang MAKIPAGSABAYAN ang Pilipinas sa mas mayayamang bansa kesa sa atin?  Hindi ba puwedeng bawasan ang %1 bilyon?

Tiyak namang HINDI lang ang $1 bilyong ipapautang ng Pilipinas ang lubusang makapagsasalba sa mga nangangailangang bansa sa Europa.

Bangko Sentral mismo ang nagpahayag na  taong 2006 pa laang ay wala na tayong utang sa IMF, ibig sabihin, panahon ni GMA. Pero walang naiulat noon na nagpautang ang gobyerno ni GMA ng $1 bilyon sa IMF.

Kaya bakit kailangang maging kakaiba ni Pnoy, kung hndi  siya nagpapapogi lamang sa mata ng IMF?

Kayang-kaya naman daw ng Pilipinas na pautanfgin ng $1 bilyon ang IMF dahil mayroong $77 bilyon na reserbang pera ang Pamahalaan.  Puwes, bakit kinailangang umabot ng P5 trilyon ang utang ng bansa?

Ayon daw sa batas natin, ang $77 bilyon ay hindi puwedeng ipampagawa ng mga daan, tulay, eskuwelahan  at iba pang infrastructure projects.Pero isipin ninyo, mga kababayan, puwedeng ipautang sa ibang tao.

Ewan ko sa inyo  pero ako, ngayon ko lang nalaman na may reserba palang ganitong kalakiong pera ang Pilipinas.

At wala akong narinig kahit minsan kay Pnoy na pagaralan man lang kung paano maameyndahan ang batas para magamit kahit konti nito sa mga pangangailangan ng ating mg akababayan.

Pero uulitin ko, puwedeng ipautang sa ibang tao. Kung hindi MALAKING KATARANTADUHAN ang tawag dito, puwedeng magsuggest ng iba ang kahit sino.

Isa na namang MISERABLENG KATOTOHANAN sa sitwasyon natin ngayon, mga kababayan. 30